دعم الداعية معز مسعود زوجته الفنانة حلا شيحة بعد هجومها على تامر حسني بسبب عرض أغنية فيلم “مش أنا”، التي ظهرت فيها معه في مشاهد رومانسية، واتهامها للأخير بعدم الوفاء بوعوده، معتبرة ان “الفن باطل”، علما ان موقفها هذا يعكس “توبتها” الثانية بعد زواجها مؤخرا من الداعية والمنتج معز مسعود.
ونشر مسعود صورة تحمل اسم الفيلم، وأرفقها برسالة طويلة على “أنستغرام” توجه فيها الى حلا شيحة بالقول: “إلى زوجتي الغالية حلا، قادر أفهم انزعاجك نتيجة مرور وقت كبير على تصوير الفيلم ده بسبب كورونا وأن حياتك اتغيرت زي ما أنتِ قولتي في البوست بكل احترام”.
وتابع: “قادر كمان أفهم انزعاجك من التركيز على المشاهد دي وتجميعها رغم الوعد الشفهي بتجنب ذلك من صناع العمل (الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي)، خصوصا مع نزول الكليب في توقيت له قدسية كبيرة بالنسبة لنا”.
واضاف مشككاً بوعود تامر حسني: “لو كنا نعرف ان الوعد مش كافي علشان يحل المشكلة دي كنا مشينا في حلول تانية.. اللي بينك وبين ربنا فيما يخص أجورك عن أعمالك السابقة مش مضطرة تقوليه لحد.. ومتشغليش بالك بأي كلام بيتقال بغير علم.. الناس مش بتاخد بالها من تفاصيل كتير أبسطها الوقت الطويل والأحداث الكبيرة اللي بتحصل في حياة اللي بيتكلموا عنهم بمنتهى الأريحية والثقة والتسرع في إصدار الأحكام”.
وقال: “قادر أفهم قصدك لما اتكلمتي عن (نوع معيّن) من المشاهد يعني نوع معيّن من الفن و(مش تعميم على الفن كله). وعاوز أفكرك يا حبيبتي إن رحلتنا هي رحلة بحث عن الحق والخير والجمال.. رحلة اعتزاز بالثقافة والهوية.. نموذج قوي لرفض التطرف على الناحيتين.. الناحية المكسوفة من هويتها وبتقلد الغرب من غير حكمة أو علم أو عزة (اللي أنا سميته الانتحار الثقافي في كلمتي في الحوار الوطني سنة ٢٠١١) والناحية التانية المسجونة في قوالب مميتة للفكر والفنون”.
وتابع: “كل ناحية منهم فاكرة أنها معاها الحقيقة المطلقة وهيفضلوا يتخانقوا إلى يوم الدين.. لحد ما يظهر ناس عندهم الشجاعة والاعتزاز بثقافتنا وهويتنا.. وبيحملوا هم أولادنا والأجيال الجاية.. وساعتها هيكون فنّنا بيعبر بجد عننا”.
واضاف: “الشجعان زيك بس هم اللي بيمشوا الرحلة بصدق وإصرار لحد ما يوصلوا.. مهما كترت المحطات.. مهما كان الألم والحيرة واللخبطة.. مهما كان الهجوم والخذلان والمزايدات.. مهما كان التمن الي بيتدفع”.
واختتم مسعود رسالته قائلا: “الشجعان زيك بس هم الي بيراجعوا نفسهم وبيعترفوا بأخطائهم ويصلحوها.. ده غير إن المشهور رحلته بتكون تحت المجهر. الشجعان زيك بس بيعيشوا بتلقائية واتساق مع النفس”.
وكانت حلا شيحا قد كتبت رسالة الى تامر حسني تتهمه فيها بعدم ايفائه بالوعد وحذف بعض المشاهد من فيلم “مش انا” الذي شاركت فيه منذ سنة ونصف، وبسبب انتشار كورونا تأجل عرضه الى الفترة الحالية. وبدوره رد عليها تامر حسني برسالة حادة حملها فيها مسؤولية ما قامت به.
نرشح لك:
شاركنا النقاش