[sam_zone id=1]

دعاء حسن|

استمرارا للجدل الذي تثيره الفنانة حلا شيحة منذ خلعها للحجاب ومن ثم عودتها الى الشاشة مجددا، ها هي للمرة الثانية تتبرأ من فيلمها الاخير “مش انا “الذي شاركها بطولته الفنان تامر حسني.

وقالت الفنانة المصرية عبر حسابها “انستغرام”: ” انا اتفاجئت جدا ًبنزول كليب يجمع فيه مشاهد متفرقة من الفيلم، وفي ايام ذي الحجة ايام مباركة وخصوصاً بعد آخر بوست نزلته ووضحت فيه انا ايه”.

وتابعت: “اتفاجئت اكتر خصوصا بعد وعد تامر حسني ليا وتأكيده انه حيحترم رغبتي وبعض الطلبات اللي طلبتها منه بكل احترام وود الصيف اللي فات، واكدلي انه حيحترم رغبتي”.

وأوضحت: “احنا يمكن نجحنا بمقايس الدنيا بس صدقوني بمقايس ربنا احنا لم ولن ننجح.. انا عارفة ومتاكدة ان زملائي جواهم خير، بس للاسف فتنة الشهرة والنجاح مش بتخلينا نشوف ونقيس الامور صح”.

وأضافت شيحة: “بتكلم من قلبي الكليب ده ميرضيش ربنا، وانا عيطت لاني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسى ..انا مش حتكسف من حد انا تبت من المشاهد دي وهي لا تصح وانا غلطت وبصلح و اهم حاجة ان ربنا يرضى عني لأن في الاخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا، الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.

كما ذكرت تامر حسني بلقاء سابق له تمنى فيه ألا يكون مطربا وقت موته، قائلة: “احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك وجوانا كلنا، شوفه تاني يمكن يفكرك ان جواك اكيد في صراع وانا وكلنا، كلنا بنغلط بس المهم في الاخر نتدارك الغلط و نصلح .{إِلا مَن تَابَ وَءَامَنَ وَعَمِلَ عَملا صَـٰلِحا فَأُو۟لَـٰۤىِٕكَ یُبَدِّلُ ٱللَّهُ سَیِّـٔاتِهِم حَسَنـٰتࣲ وَكَانَ ٱللَّهُ غَفُورࣰا رحِیما}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.

وكانت حلا قد تبرأت من الفيلم مع بداية عرضه، خاصة بعدما أعلنت زواجها من الداعية والمنتج معز مسعود، حيث قالت قبل أسبوعين: “بحمد ربنا اني أخيرا لقيت التوازن بين إني اكون سعيدة في حياتي وفي نفس الوقت أكون صادقة مع نفسي واللي مؤمنة بيه من جوايا. أما بالنسبة لفيلم (مش أنا) الحقيقة انه تم تصويره من اكتر من سنة ونص وبسبب ظروف كورونا أتأخر جدا نزوله، وانا كمان حالي اتغير واتجوزت الحمد لله، والفيلم فعلا بقى (مش أنا) وبتمنى التوفيق لكل زملائي”..

https://www.youtube.com/watch?v=lv_–dcoEdg

 

في هذا المقال

شاركنا النقاش