بعد شيوع انباء حول حلول اسمه مكان اسم الفنان وائل كفوري في حفل “الموريكس دور” بعد اعتذار الاخير، أبدى الفنان زياد برجي في بيان له استياءه من هذا الكلام، قائلا: “انا مش بديل عن حدا”، وطالب إدارة الجائزة بتوضيح في هذا المجال.
وجاء في تفاصيل بيان برجي:
“وصلني اليوم مقال بيقول انو جائزة افضل فنان لبناني من الموريكس دور كانت للفنان وائل كفوري واعتذر عن الحضور، فقرروا يعطوني ياها. مع احترامي الكبير للفنان النجم وائل كفوري، يلي انا شايفو افضل فنان بالعالم مش بس بلبنان. النقاط يلي بدي ضوي عليها:
انا اطالب إدارة الموريكس دور برد علني على هيدا الحديث العلني يلي بمس بكرامتي وكرامة وائل كفوري وكرامة موريكس دور، وتوضيح كمان علني هل هيدي جائزة بياخدا يلي بيحضر او يلي بيعمل انجازات اكتر؟
واضاف: اذا كان الإختيار هو الأول فأنا بعلن من هلق انو ما رح كون من الحاضرين، واذا كان الإختيار التاني بعني نتيجة انجازات وتعب وجهد و حضور ونجاح متواصل وسهر الشي يلي كنا عم نعملو كل الوقت وما رح نوقف نعملو، فبنتمنى انو يكون في تأكيد على هل النظرية من ادارة موريكس دور، باختصار … انا مش بديل لحدى.
شاركنا النقاش