دعاء حسن |
بعدما أعلنت الفنانة حلا شيحة تبرأها من كليب أغنية فيلم “مش انا” الذي يجمعها بتامر حسني، قرر الأخير الرد عليها ساخرا من تصريحاتها ، الامر الذي نال إعجاب عدد كبير من الناشطين عبر السوشيل ميديا، خيث قام البعض بنشر كوميكسات ساخرة.
وكتب حسني عبر حساباته المختلفة قائلا: “نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه وكان في بينا كل خير . للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً ونتناقش بيني و بينك ، فا أنا مضطر أرد هنا برضو “.
وأوضح: “اولاً أنا عمري ما وعدتك إن الكليب مش هينزل دا محصلش اصلاً يا حلا، مش أنا خالص اللي أوعد و أخلف….. الحقيقه اني إحترمت كلامي معاكي وعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده”.
واضاف: “وبعدين الفيلم بقاله ٣ اسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا ، وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك ؟!!!!!!. “
و تابع : “للتوضيح للجمهور الكريم أنا و المخرجه الأستاذه ساره وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!! وبقيتي تقفلي تليفوناتك وتكنسلي علينا كلنا “.
كما قال ساخرا : ” وبعدين أي فيلم بيبقى ليه خطه مسبقه في الدعايه وانتي عارفاها كويس ووافقتي عليها ودا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!. “
واختتم رسالته قائلا : “أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح واتهامات باطله ليا إحتراماً لحاجات كتير يمكن فايتاكي بس مش هتفوتني وعلى فكره انا واثق انك عارفه اني مستاهلش منك كدا وهكتفي بالتوضيح دا و ربنا يهدي الجميع ويكتبلك كل الخير اللهم آمين”.
والطريف انه تم تدوال التعليقات الساخرة بشكل كبير عبر مواقع التواصل الاجتماعي، حيث تم تركيب صورة لتامر حسني من الكليب، وهو يغني لماجد الكدواني. كما تم تركيب صور تجمع حسني والكدواني، وصور اخرى تجمع تامر حسني وحلا شيحة.
نرشح لك:
حلا شيحة لتامر حسني: “الكليب ده ما يرضيش ربنا”!
شاركنا النقاش