عبرت الممثلة وملكة جمال لبنان السابقة نادين ويسلون نجيم عن موقفها من الحرب المحتملة في لبنان، حيث اعلنت رفضها لكل من يطالب لبنان من غير اللبنانيين بالدخول في حرب مدمرة دعماً لفلسطين.
وكتبت نجيم في منشور لها عبر خاصية “ستوري” على “انستغرام”: “لا قضية أهم من قضية لبنان، لا مصلحة أهم من مصلحة لبنان بالنسبة لي”.
وتابعت: “كل شعب لبنان تتضامن بكل ما عنده وبالوسائل المتاحة له مع فلسطين ولا يزال. بس ضروري ندعم فكرة ننجر على حرب كرمال فلسطين؟ مجبورين نسكت وما يكون عندنا رأي إذا بلدنا بفوت بحرب؟؟
واضافت: وضع اقتصادي اكثر من مزري، وضع اجتماعي متفكك بالكامل بنى تحتية ما بتحتمل شوية مطر، بدا تحمل دمار حرب؟؟ جيش عم بناضل باللحم الحي ليبقى واقف على إجريه .أزمة نزوح ما شافها لبنان بتاريخه، لا مصاري لدعم الناس او إعادة الترميم او أي شيئ. ومرغمين نفوت على حرب؟؟ ليش؟؟
وختمت قائلة: “حقي ما يكون بدي بلدي يفوت بحرب، وواجبي إدعم فلسطين، يلي ما عجبو رأي هو حر. مثل ما انت حابب بلدك (او اذا ما كنت لبناني عم تطالب لبنان يفوت بالحرب)، حقي ارفض”.
يذكر ان نادين نجيم خاضت تجارب عدة في مجال التمثيل في عدد من الاعمال منها: الشحرورة، الغالبون، صبايا 5، غزل البنات، بلا ذاكرة وغيرها.
شاركنا النقاش