ولعت بين الفنان رامي عياش والمخرج ناصر فقيه اثر تعليق الأخير على خبر بكاء زوجة الفنان رامي عياش لدى استماعها إلى أغنية “أنا ثائر”.
وفي التفاصيل، نشر ناصر فقيه خبر بكاء داليدا عياش مع صورة ظهرت فيها الى جانب زوجها رامي عياش وهما في طائرة خاصة وعلق عليها ساخرا: “بِكيِت هي وبالطيارة الخاصة او بس نزلوا عالارض؟”
وسرعان ما رد زوجها الفنان رامي عياش بطريقة قاسية: “الأرض بتشبه أخلاقك بيندعس عليها”.
هذا الكلام اغضب فقيه الذي رد بدوره بأسلوب اشد قسوة: “اذا هيك صار مستوى الحديث يا عياش، لكن انت وأخلاقك وأغانيك وصرمايتي سوا، منيح هيك؟. وأضاف: “من أيام ما كذّبت عالناس إنو معك سرطان لتبيع كم حفلة بالزايد وضحت قديش انت فنان خلوق وانساني”.
ولحسم الخلاف والحد من تفاقمه، تدخلت الاعلامية منى أبو حمزة في تغريدة جاء فيها: “بتمنى هالسوء التفاهم ينجلي. داليدا نجت من الموت مع فوق الأربعين قطبة وكان في جثّة جنبها. من الطبيعي تتأثر وهي المعروفة بإنسانيتها. ناصر إنت صديق وقيمة ورامي قامة مش وقتها نهشم ببعضنا. تنيناتكم عزيزين بتمنى وبرتجيكم برحمة الضحايا، إنه تنمحى هالتغريدات”.
وعلق عليها فقيه بالقول: “انت على العين والراس يا منى. يلّي بيتابعني بيعرف انو بحياتي ما بشتم، صح أوقات بعلِّق بطريقة فيها سخرية بس ما بشتم… أنا علّقت على صورة بغير محلها نسبة للخبر، كان فيه يرد رامي على تعليقي بطريقة مهذّبة يمكن كنت اعتذرت منه، بس مستواه بالكلام جبرني رد بهالطريقة، تحياتي”.
شاركنا النقاش