أمر النائب العام التمييزي بالانابة القاضي عماد قبلان بتوقيف الممثل باتريك مبارك بعد التحقيق معه من قبل قسم المباحث الجنائية، وذلك على ضوء الإخبار الذي تقدمت به المحامية مي الخنسا بجرم “تحقير الشعائر الدينية والتعرض لرئيس الجمهورية ميشال عون والأمين العام ل”حزب الله” حسن نصر الله”.
وكان مبارك قد تسرب له تسجيل صوتي يسيء فيه للدين الاسلامي ويربط داعش” به، مهاجما رئيس الجمهورية ميشال عون وأمين عام “حزب الله” السيد حسن نصر الله، مبديا استعداده لحمل السلاح بوجههما. الامر الذي فاجأ كثيرين واثار ضجة كبيرة عبر “السوشيل ميديا”. علما انه بعد ساعات عاد وانتشر تسجيل صوتي آخر لمبارك يعتذر فيه عما صدر عنه، محملا المسؤولية لصحافية قامت بنشر حديث خاص بينهما.
وعلى الاثر، أصدرت النقابات الفنية في لبنان مجتمعة (عددها ثماني نقابات) بياناً موحّداً، حددت فيه موقفها من تصريحات الممثل باتريك مبارك، معلنة تبرّؤها مما ورد على لسانه، وداعية إلى مقاطعته.
وكان عدد من الممثلين اللبنانيين قد تعاطفوا مع باتريك مبارك، معتبرين انه يعاني حالة نفسيّة صعبة، وانه لا يجدر محاسبته بقطع رزقه.
وكتب وسام حنا عبر حسابه على “تويتر”: “لقالو باتريك معيب وكارثي بس كلنا منعرف بالوسط انو الو فترة طويلة بعاني من اضطراب ذهني وعايش على الادوية وعم يتعالج، وعم يحاول يرجع يشتغل ويكفي مسيرة الحياة بصعوبة”.
واضاف: “كنت بتمنى قبل ما النقابات تقطعلوا رزقو تشوف كيف بدا تساعدو، لأنو الكل بيعرف وضعو الذهني انا اشتغلت معو وعم دافع عنو لأنو بعرف وضعو الذهني والأدوية لعم ياخدها وكيف بيتصرف بامور ما بيوعى انو عملا. صحيح هوي غلط بس كنت بتمنى من الصحافية تقدر وضعو. هوي غلط مضبوط بس قبل ما نصلبوا نشوف كيف بدنا نساعدو”..
من جانبه، علّق الممثل باسم مغنية قائلا: “يللي قالو باتريك مبارك كلام بيعمل فتنة ومعيب معيب معيب وغير اخلاقي. بس نحنا اولاد المهنة منعرف إنو باتريك مريض مريض مريض. وما بعمري باخد على كلامو ولا بعمرو أذى حدا. المئذي هو اللي نشر هال فويس. إعلامية أنا بحبا وبحترمها. غلطها أكبر بكتير. لو ما نشرت هالشي ما كان صار شي”.
وأضاف: “اليوم باتريك حكي عالمسلمين. بكرا بغير موقف بيحكي عالمسيحية. برجع بقلكن باتريك مريض. الكل بيعرف هالشي. لو عايش بغير بلد كان من زمان تعالج. وفهمكم كفاية. بإسمي وإسم كل الزملاء منعتزر من كل كلمة قالها. والمسامح كريم.بتمنى من الجميع يقرا بين السطور وما يهاجمني”.
وقالت الكاتبة كلوديا مرشليان: “باتريك مبارك انسان تعيس ويعاني من مشاكل كتيرة منذ زمن مشاكل نفسية ومادية واجتماعية. طبعا هالشي ما ببررّ ابدا اللي قالو. ما حدا الو حق يتطاول على المقدسات ويهين ويجرّح ويئزي مشاعر الناس كلها من كل الأديان ومن كل فئات المجتمع”.
وتابعت: “زعلت كتير على باتريك يللي بعتبر انو انتحر وقوّص حالو براسو، بس ياللي فاجأني أكتر شي هالنقابات السبعة يللي اجتمعوا بظرف نص ساعة لحتى قال شو؟ يتبّرأوا منو… ليش أيمتى النقابات ما كانت متبرّاية من الممثلين والممثلات وخصوصي الضعاف والمريضين متل باتريك”.
من جهته، الكاتب مروان نجار علق على الموضوع عبر “فايسبوك” كالتالي: زميلة عزيزة أرسلت إليّ التسجيل الصوتي لكلام باتريك مبارك فوجدته كلامًا انفعاليًّا يخدم الذين تناولهم لأنّه حافل بالمغالطات الرائجة والساذجة لكنّه لا يعكس نيّة جرميّة تسعى الى البثّ أو التحريض. أمّا الطرف الذي نشره فلّا شكّ في سوء نيّته، أو على الأقلّ سذاجته وعدم إدراكه لأهميّة التعميم.
شاركنا النقاش