لمناسبة عيد الام، نشر مقدم البرامج هشام حداد صورة لوالدته لأول مرة ، ليقدم لها المعايدة من خلال منشور عبر حسابه على “فايسبوك”، شاكرا العناية الالهية التي انقذتها اثر دخولها المستشفى مؤخرا. كما وجه الشكر لثلاثة اطباء اعتنوا بها.
وكتب حداد: “هيدي ماما حبيبتي، اول مرة بعايدا بصورة عالفيسبوك…
ماما القديسة اللي صرلا من 27 شباط بالمستشفى بعد ما كانت بوضع دقيق، رجعتلنا من محل كتير بعيد لنعيّد سوا وتسمع قدي منحبا انا وبيي واخواتي، وقديه نحنا مدينين الا باللي وصلنالو….
ماما الحب، ماما الثقافة وسرعة البديهة وماما اللي ما بتحب تعتلنا هما وكانت رح تدفع حياتها ثمن هالانكار للذات… ” .
واضاف: ” قبل بنهار من عيد الام بدي اشكر من بعد الله، 3 اشخاص ساعدونا لنعيد هيدا النهار بفرح… اول شي دكتور شادي صباغ بطوارئ أوتيل ديو اللي بشجاعتو وفطنتو تصرف بسرعة فائقة وانقذ امي من تطور الامور للاسوأ، دكتور موسى رياشي وفريقو اللي اشرفو عليها بغرفة الإنعاش لمدة 15 يوما لحد ما استعادت عافيتها واخر شي بدي اشكر وبوس جبين ابن خالتي دكتور طارق سميرة اللي امي بتعتبرو متل ابنا واكتر، وهوي كان على مدة شهر سهران على انقاذا بكل خوف وحب واهتمام، منحبك خيي توتو متل ما الودي تعودت تعيطلك.
وختم قائلاً: “ماما ينعاد عليكي والله يطول بعمرك لأنو نحنا ما فينا لحظة عفراقك… بحبك الودي ” .
شاركنا النقاش