في حين يستعد الممثل نيقولا معوض للعودة الى لبنان بعد انتهائه من تصوير مسلسل “على الحلوة والمرّة” خارج لبنان، كتب منشورا على “انستغرام” قال فيه:
“بعد ثلاث ايام بيخلص مسلسل صرلي 6 أشهر عم صوره برّات لبنان.. عا قد شعوري بالفرح بهالمشروع، شعوري بالذَّنب..”
واضاف: ذَنب اني مبسوط وقت اللي لبنان عم بينازِع..
ذَنب اني عم بشتغل وقت اللي اصحابي بلبنان بلا شغل..
ذَنب اني عم طلِّع مصاري وقت اللي في عِيَل عم تشتهي تاكُل..
هاي اول مرة بحياتي بقعد 6 أشهر بعيد عن لبنان..
كل حدا عم بحكي معو بيسألني شو راجع أعمل.. ليه راجع عا لبنان وقت اللي فيك تبقى برّا؟
ما بعرف ليه راجع، عن جدّ ما بعرف..
بالمنطق ، معُن حَقّ.. شو راجع أعمل؟
بس المشكلة انو ما بعمري لحقت المنطق..
وختم: “يمكن راجع لانو بدّي عاني.. بدّي أوقف عا محطة البنزين.. بدّي عيش بلاكهربا.. بلا مَيّ.. بلا شي.. بدّي احمل شوي من يلّي عيلتي وصحابي حاملينو..
يِمكِن خَفِّف عا حالي شويّة ذَنب”.
ويصوّر نيقولا معوض مسلسل عربي مشترك بعنوان “على الحلوة والمرة” مؤلف من 60 حلقة من انتاج مجموعة MBC وهو من النوع الرومانسي-الكوميدي. ويشارك فيه محمد الاحمد، محمد خير الجراح، باميلا الكيك، جو طراد، دانا مارديني، ونور علي.
شاركنا النقاش