اعلن الفنان ملحم زين أنّ منزله مقابل للانفجار (يبعد عنه 600 متر)، وانه تسبب بجروح في أجساد أولاده وضررا في منزله وخرابا في المنطقة، وشن هجوماً على المسؤولين في لبنان، وقال ان مصيبة حلت بنا، وان السياسيين الحاكمين يستحقون الحرق وتعليق المشانق”.
ووجّه زين رسالة شديدة اللهجة عبر برنامج “Et بالعربي”: “نحنا بخير بس اللي مش بخير نحنا من جوا مش بخير، من برا سلمنا بس بلدنا مش بخير، أمننا مش بخير، نحنا محكومين من عصابة من شياطين، الشيطان بيزعل، أسوأ من هيك بقالنا 6 أو 7 سنين قنبلة مزروعة في وسط بيروت، وتتعاقب الحكومات وما حدا بيفكر بنقلها، ما ضل شي غير إنهم يضربونا بقنبلة ذرية”.
واضاف: الشعب مدجن ومخدّر ومقسم طائفيا، وما زلنا نتقاذف المسؤوليات.. لم تعد تنفع الاغاني ومواقف “السوشيل ميديا”، يجب ان يعلق السياسيون من رقابهم.
وعلّق زين على ما حصل خلال زيارة الرئيس الفرنسي ايمانويل ماكرون ورفضه إعطاء السياسيين المال لأنهم سارقون، بالقول: “بهدلوا البلد ونحن لا شيء من دون محيطنا العربي. نحنا في بلد بنخسر فيها كل أصدقائنا، شاطرين بس في الشحادة ويطلبوا من الناس يقولوا ابعتولنا. هيدي مصيبة عنا طاقم بدو حرق وبدو مشانق”.
وقال: اذا بحب هالشعب يفوتوا ع غرف نوم السياسيين فانا معهم، والا سيموت أولادنا اما جراء التلوث او التفخيخ او الامراض..
شاركنا النقاش