دعاء حسن |
بمناسبة عيد ميلادها الـ 40، قررت الفنانة شيرين عبد الوهاب الخروج عن صمتها وكسر اعتزالها “السوشيل ميديا”، لتوجه عدة تغريدات قصيرة عبر حسابها على “تويتر” احتفالا بهذه المناسبة.
واستهلت تغريداتها قائلة: “كل سنة وإنتم عيدي. دعاء أمي ليا كان محبتكم، ورضا ربنا عليا محبة الناس .. ديمها عليا يا رب! السنة دي أول مرة بيجي عليا يوم ميلادي وألاقي نفسى بضحك وسعيدة”.
وتابعت: ” كل سنة كان بيكون اليوم ده بالنسبالي يوم حساب، أنا عملت إيه ومعملتش إيه وكان لازم أعمل إيه، لكن السنة ديه حاسة ان فيه حاجة مختلفة وأهدافي اختلفت”.
وأضافت: “سعيدة وبضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير”.
كما تحدثت عن زوجها في تغريدة ووصفته بأحسن زوج قائلة: “على المستوي الشخصي انا سعيدة جداً بأحسن زوج في الدنيا، لأنه جوزي وأخويا وصديقي وإبني، وسعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني احس أن كل البلاد بلدي”.
وتحدثت أيضا عن زملائها قائلة :”سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة، وبشكر كل إنسان ساعدني في حياتي علشان أوصل للي انا فيه دلوقتي”.
كذلك وجه حسام حبيب التهنئة لزوجته شيرين عبد الوهاب عبر “إنستغرام”، حيث نشر صورة له وهو يحتضنها، وعلق قائلا: “دمتي لي شيئا جميلا لا ينتهي”.
شاركنا النقاش