قبل انتقالها الى الحرة.. ماذا قالت ليال الاختيار لبيار الضاهر؟

في أخر نشرة إخبارية لها على lbci ، وقبل انتقالها الى قناة “الحرة”، ودّعت ليال الاختيار المشاهدين والقيمين على المحطة، في رسالة اختصرت فيها تجربتها فيها على مدى سنتين.

وقالت الاختيار: “من سنتين جيت لهون خايفة مرعوبة وقلقانة، خايفة من الفشل ومرعوبة من اسم ال lbci ومن الاسماء الموجودة فيها، وقلقانة من اني اندم على هذا الخيار، بسنتين كل شي معقول يصير صار ، لدرجة انه اول اطلالة الي على هوا ال lbci بنشرة صباحية طافت في الطرقات، فقعدت 6 ساعات بنقل مباشر بوقت يلي كانت يمكن اول تجربة مباشر الي”.

واضافت: سنتين غطيت فيها قد عشر سنين من العمل الاعلامي بظروف طبيعية، ثورة، انهيار مالي، كورونا، ازمة منطقة وغيرها ما في شي ما صار بسنتين، قعدت فيهن بالمحطة اكتر بكتير كتير من ما قعدت ببيتي، بعد سنتين تعبت متل كتار من جيلي ، مش بس من ضغط الشغل، بل من الضغط النفسي يلي عم نعيشه كل يوم، لانه نحنا شباب ما خلقنا تا نموت لا من الجوع ولا من الفقر ولا نموت كرمال صراعات ما النا فيها.
نحنا شباب مش رح نرضى يموت الامل فينا وبعدنا بعز عطائنا، لهيك قررت فل، فل تا ضل عم بحلم وتا ضل عم انجز وتا ضل عم حقق.

وتابعت: جمهور الـlbci يلي رافقني بالسنتين لولاكم انا ما شي. لادارة محطة الـ lbci يلي دعمتني ووقفت حدي بقول بحبكم كتير ، لكل الضيوف يلي وثقوا فيني وطلعوا معي على مدار السنتين بشكركم من كل قلبي.

وقالت لرئيس مجلس ادارة المحطة: بعد سنتين وبآخر اطلالة الي على هوا هيدي المحطة، رح قول للشيخ بيار الضاهر ، سألتني بأول مرة شفتني فيها مين انت؟ اليوم بعد سنتين رح قلك: انا بنت الـ lbci ورح ضل بنت الـ lbci لو وين ما رحت، ولو شو ما صرت”.