هاجم الفنان فضل شاكر زملاءه من الفنانين اللبنانيين ممن يعتبر أنهم يشنون “حرباً” عليه، وقال “انا مستعد لهذه الحرب”، وذلك إثر إصداره عددا من الأغنيات مؤخرا، حقق من خلالها ارقاما قياسية، بعد عودته الى الساحة الغنائية.
وقال في رسالة ملؤها التحدي: ما بيقدروا يحاربوني، صعبة وطويلة على رقبتن وأنا واقف بوجهم. ووصفهم بالفنانين “التنك”.. وتابع: “انتم صغار وفاضيين”.
وقال فضل في تسجيل صوتي: “يجيبو كل فنانين لبنان وأنا لحالي، يتفضلوا يفرجونا شو رح يقدموا، أنا مستعد للحرب اللي بيحاربوني فيها. الرزق من عند الله، ما بيقدروا يحاربوني، صعبة وطويلة على رقبتن وأنا واقف بوجهم.. الرجال فيهم يتفضل ويفرجوني شو رح يعملوا”.
وتابع: “أنا من تحت الزينكو أغني من مخيم عين الحلوة، أتحداكم يا تنك، فنانين تنك، مش تاركيني بحالي، وانا مستمر بإمكانياتي المتواضعة”.
وأضاف: “عيب عليكم احترموا حالكم، شو بدكن مني وليه كل الحرب عليي؟ مش عارف حقد تعصب لا أفهم شو الموضوع.. شو مشكلتهم تجاهي؟ كل الاعلام اللبناني اللي جرّمني، وطلعني إرهابي، ومنضم لعصابة مسلحة ومليون تقرير قدمو ضدي، يتفضلوا يجيبوا دليل وإثبات واحد على ذلك”.
واختتم فضل معلناً عدم مسامحته لهم بقوله: “عيب عليهم ومش مسامحهم.. الله لا يسامحكم لا دنيا ولا آخرة.. اقسم بالله خلاص أنا عايش بالمخيم ومع هيك ورايا .. لهذه الدرجة صوتي واجعكم؟ حاقدين عليا وبيكرهوني.. يا ويلكم من الله.. شئ بيخجل”.
نادين الراسي غاضبة من فضل شاكر: الأخلاق أولاً
شاركنا النقاش