جددت الفنانة المصرية رانيا يوسف عزمها على تقديم بلاغات بأصحاب التغريدات التي تداولت هاشتاغ مسيء لها، بعد ساعات من نشرها صورا مع رئيس نادي برشلونة الإسباني خوان لابورتا.
وقالت رانيا في مداخلة هاتفية مع الإعلامي عمرو أديب في برنامجه “الحكاية” عبر قناة mbc مصر، “معرفش ليه الدنيا اتقلبت اتنين مشاهير اتقابلوا بينهم أصدقاء مشتركين عرفونا ببعض، ابنه زميل بنتي في الجامعة، اتصورنا في الشارع قدام كافية مشهور في برشلونة ونزلت صوري زي أي حد، معرفش إيه اللي حصل الدنيا قامت مقعدتش وكأنه أول مرة بيشفوا واحدة مصرية بتتصور مع واحد أجنبي، دي مجموعات ممنهجة لمحاربة أي حد ناجح ومحبوب، ودول موجودين من زمان بس هما طفحوا علينا بعد 2001 من خلال السوشيال ميديا”.
وأكدت رانيا أنها فوجئت بما حدث بعد نشر الصورة بساعات قائلة: “هجمة حصلت بالليل أنا متصوره في الشارع مش في بيت ولا سهرة خاصة، مش فاهمة سبب الهجوم، دي ناس بتحارب النجاح، وأنا بتواصل مع مباحث الإنترنت علشان أبلغ عن كل الناس لازم يكون في وقفة، المجموعات دي بتحاول تكرهنا في بلدنا، ومش هينجحوا دي بلدنا وبلدنا بتدينا الحرية والكرامة وعزة النفس ومش هنسيبها وهننجح فيها”.
وقالت أن الهاتف أصبح سلاحا خطيرا وكذلك مواقع التواصل الاجتماعي التي تستطيع الآن التسبب في نجاح شخص أو فشلة، مضيفة أنها لا تنزعج مما يحدث قائلة “كل ما بضايقهم بنبسط أكتر، وبكرا ولا بعده الصور مع ميسي هتنزل”.
وكانت الفنانة المصرية قد نشرت 3 صور مع رئيس نادي برشلونة، الأربعاء، على “تويتر” معلقة: “انا مع أجمد رئيس نادي في العالم (خوان لابورتا)”.
وواجهت بعد نشر الصور انتقادات قاسية في اطار هاشتاغ وصفته بـ “القذر” في تغريدة لها، واصفة المعلقين بـ”المتحرشين”. كما هددت بمقاضاة كل من شارك في الهاشتاغ ، حيث قالت في تغريدة اخرى:
“قمة الوقاحة وقله الادب علشان صوره اتصورتها.. قبلت الضحك وقولت طبيعي مش لازم نقف على كلمه عاديه انما توصل لهاشتاج عنوانه قذر زي كل شخص مشارك فيه لمجرد ان واحده ست شجعت الكورة او بتتكلم عنها.. متحرشين أقذر من بعض بكل واحد مشارك في الهاشتاج ده.. متحرشين ولازم يتفضحوا”.
شاركنا النقاش