مجددا، أثار الملحن عمرو مصطفى غضب عدد من زملائه من ملحنين ومؤلفين، على رأسهم المؤلف تامر حسين والملحن مدين، والمؤلف والملحن عزيز الشافعي، وذلك على خلفية الهجوم الذي شنه عمرو على زملاء له بعد اتهام الفنانة شيرين عبد الوهاب، في منشور له، بسرقة لحن أغنيته في أحدث أعمالها، حيث اضاف في احد اللقاءات:
“أنا مذكرتش أسامي ولا حددت مين، ولا أغنية إيه، ولا أعلنت حاجة، واللي هيطلع يتكلم، يبقى دة اللي على راسه بطحة”..
واضاف: أنا مليش زمايل، أنتوا مش زمايلي، وأنا مبعملش صداقات في الوسط الفني. وأنا معرفكوش أصلًا، أنا بلحن عشان نفسي وعشان جمهوري، بطلوا تتمحكوا فيا، أنت مين يا ابني أنت حشرة”.
تامر حسين: عمرو مصطفى قبيح القول
هذا الكلام دفع الشاعر الغنائي تامر حسين الى وصف عمرو مصطفى بـ “المُلحن سليط اللسان قبيح القول”، وانه يفتعل المشاكل، واعتذر من زملائه لأنه وصفهم بزملاء لعمرو مصطفى، معتبرا أنه ظلمهم بذلك.
وكتب تامر حسين عبر “فيسبوك” منشورا قال فيه:
رداً على فيديو المُلحن سليط اللسان قبيح القول… أنا فعلًا غلطت لما قُلت على المُحترمين المُبدعين “مدين” أو “عزيز” زمايلك على أساس إنك معانا في الوسط وراجل، كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابة اللى بتخترعها فى أى نجاح كبير يلتفت حواليه الناس، وإنت لا ترتقى إنسانيًا تبقى زميل لواحد فيهم، شتان فرق الأخلاق، ده انا اللى بعتذرلهمُ على التشبيه الغير موفق مني ظلمُتهم.
واضاف: لو جبت سيرتك بالخير، فأنا بعمل بأصلى فى أى لقاء وأى برنامج وبتربيتى، وبـ أقول عيب عنده أولاد كُبار يتشرفوا بـ باباهم، ماتردش الإساءه بالإساءه …
وقال تامر لعمرو: “إحترم سنك، إحترم نفسك، إحترم انك عندك أسرة ما يصحش، يبقى cv من بعد ما كان نجاحات يبقى خِناقات وسيرة سيئة، لإن ما حدش حايسكُت لك تانى على أى تجاوز”.
للاطلاع على منشور تامر حسين كاملاً:
https://www.facebook.com/tamerhussienfans/posts/1079337353563323?ref=embed_post
مدين: تامر ما تظلمناش تاني
من جهته، رد الملحن مدين على كلام عمرو مصطفى من خلال التعليق على منشور تامر حسين قائلا:”انا زمايلي هما الفنانين المحترمين قبل ابداعهم و نجاحهم، غير كده ماليش زمايل، بعد كده يا تامر ماتظلمناش تاني”.
عزيز الشافعي : ريحة الشياط
اما الكاتب والملحن عزيز الشافعي فقد رد على عمرو مصطفى بالقول:”ريحة الشياط مش حلوة لو طالعه م المطبخ، لكن مسك وعنبر لما تطلع ف فيديو، مابتعرفش تعمل طرب انت غير ف الصياح، بس ماشاء الله عليك”.
شاركنا النقاش