توجهت الممثلة اللبنانية نادين الراسي الى الممثل السوري معتصم النهار وطليقته لين برنجكجي بالقول: رح تزعلوا.
وقالت الراسي ردا على سؤال لبرنامج “mbc trending” حول طلاق زميلها النهار، بالقول: لكل طلاق أسبابه. أنا طلّقت مرتين والطلاق الثاني كان موجعاً جداً. بس دايماً منزعل انو طلّقنا. ومهما كانت الأسباب كبيرة، فأولادنا أكبر من أكبر شي في هذه الدنيا. وهذا الامر عذّبني ووجّعني، لأنو انلقطت بالإيد اللي بتوجعني”.
وتوجهت الراسي لمعتصم النهار وطليقته قائلة: “رح تزعلوا بعدين. كرمال هالبنوت القمر”.
واستدركت بقولها: “بس كمان بتزعلوا أكتر إذا بتربوا هالبنت بجو مش كتير منيح. ضلكن متفقين ومتوافقين، وما تخلّوا حدا يعبيلكن أذنيكن بحكي. ما حدا غيركن رح ينبسط وما حدا غيركن رح يبك، ما تخلّوا بنتكن تدفع الثمن”.
الجدير بالذكر ان نادين الراسي تشارك معتصم النهار في مسلسل “بيروت 303” الى جانب الفنانين عابد فهد، سلافة معمار. وقد تأجل عرضه الا ما بعد شهر رمضان، بسبب ضيق الوقت.
واعتبرت الراسي ان مشاركتها في هذا العمل بمثابة “ورقة لوتو”.
وبعد تقديم لمحة سريعة عن دورها في المسلسل، وجهت الراسي رسالة مبطنة بعد تجربة طلاق قاسية مرت بها، قائلة: “لنعترف باخطائنا عسى ان نكسب بحياتنا ولا نخسر سنوات عمرنا، كرمى لاشخاص لم يكونوا يستحقون يوما. لو كانوا لكم يوما ما لكانوا اوفياء، ولكنهم كانوا لغيركم واصبحوا لكم، وهذا معناه انهم ليسوا اوفياء من الاساس”.
يشار الى ان مسلسل “بيروت 303” من تأليف سيف رضا حامد وإخراج إيلي السمعان، وإنتاج شركة الصباح للمنتج صادق الصباح. والعمل مكون من خمسة عشر حلقة فقط. وتدور أحداثه حول قصة طائرة تحمل الرقم 303 حيث تتعرض لحادث خلال عودتها للعاصمة اللبنانية بيروت>
شاركنا النقاش