دعاء حسن|
بعد مرور أيام على إعلان مصممة الازياء بسمة بوسيل انفصالها عن زوجها الفنان تامر حسني، خرج الأخير ليوجه رسالة صلح لزوجته المغربية.
ووجه النجم المصري رسالة مطولة لزوجته عبر حسابه الرسمي على موقع “إنستغرام”، كتب فيها: بسمة حبيبتي .. للأسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ، نسوكي انك عرفتيني وأنا مشهور ودي طبيعة شغلي اللي عرفتيني وحبتيني بيها ، ازاي وصلوكي للزعل والبعد فترة، المهم أنا مش زعلان منك ولا يرضيني زعلك، انتي حبيبتي وأم ولادي”.
وتابع: أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير.. ليه لما أي حد بيزعل من حد بيطلع يكتب عليه في السوشيال ميديا.. طب حتى يكلمه الأول، ايه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم ويا ريتها مشكلة اصلًا.. ربنا جعل ما بينا مودة ورحمة عشان كدا، للأسف انتي عارفة ان في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع انك مكنتيش كدا”.
وأضاف: “ياريتك تركزي مع طاقة الناس اللي دعوا لنا ودعوا لاولادنا بكل خير، وفعلًا أنا بشكر كل الناس والفنانين اللي سعوا في الخير لينا”.
واستكمل: “أنا واثق انك دلوقتي انك زعلانة انك كتبتي كدا.. هو تصرف متهور منك بس ولا يهمك مش عيب أن الإنسان يغلط ويتعلم، وأنا ياما علمتك ولسه هعلمك.
واختتم قائلاً: “كان نفسي الكلام ده يكون بينا لكن انتي اشركتي الجمهور الكريم، فكان لازم أرد هنا، بينا حب غالي وحياة كريمة وأولادنا وبيتنا أغلى ما فيها .. ربنا يخلينا ليهم ويخليهم لينا يارب.. متهورة بس بحبك”.
وكانت بسمة بوسيل اعلنت انفصالها عن زوجها الفنان تامر حسني، في خطوة مفاجئة وصادمة للجميع، حيث انهالت التعليقات الرافضة لهذا القرار، ولم يقتصر الأمر على المحبين فقط بل وجهت لهما أيضا الفنانة احلام رسالة تدعوهما فيها الى الصلح وعدم الانفصال.
شاركنا النقاش