القاهرة: دعاء حسن|
بعد أيام قليلة من زفافهما، تعرضت الفنانة الشابة هنا الزاهد لأزمة صحية دخلت على إثرها المستشفى، وذلك خلال قضائها شهر العسل مع عريسها احمد فهمي، الذي كشف عن تطورات الحالة الصحية لزوجته مؤكدا أنها من المحتمل ان تخضع للتدخل الجراحي.
ولم يكشف فهمي عن تفاصيل الحالة الصحية لهنا الزاهد، مكتفياً بتوجيه رسالة شكر عبر “فايسبوك” قائلا :”شكرا لكل الناس اللى بتسأل على هنا، ومعلش مش عارف ارد على كل الناس لاني كنت محتاس لوحدي .. الموضوع اننا فى المستشفى هنا فى سنغافورة، وهنقعد تلات تيام تحت الملاحظة ولو محصلش تحسن هيبقى فى جراحة”.
وأضاف: “الموضوع بايخ ومفاجىء، بس بشكر د. اشرف زكي فعلا .. والدكاترة المصريين د. اشرف ابو الهوا ود. احمد نجم اللي متابعين من مصر الحالة مع الدكاترة هنا .. وبشكر معالي السفير محمد ابو الخير اللي واقف معانا جامد هو والمصريين فى السفارة، وعلى رأسهم محمد زغلول وطبعا ضياء محمد كامل اللي واقف جنبي جامد من مصر … انشاء الله خير”.
وكان أحمد فهمي قد نشر صورة لزوجته خلال تواجدها في المستشفى، وقد تم تدوالها بشكل كبير عبر “السوشيل ميديا”، كما تصدر الثنائي التراند عبر “تويتر”.
وعلق فهمي قائلا :”عامة أنا مليش فى الحركات البيئة زي دي خالص، ولا عمري كنت هجيب سيرة ولا أنزل صور زى دي، وبقالي شوية بهزر مع صحابى الزماكاوية عالماتش .. بس إحنا برا مصر أنا وهنا، وبقالنا يومين بنروح لدكاترة عشان هنا تعبانة ودلوقتي رحنا لتالت مرة عشان تعبت تاني جدا”.
وأضاف: “بجد فى ناس مركزة أوي أوي أوي معانا لدرجة ان فى مهرجان (مش الجونة) كان من كام يوم مبيسئلوش أي حد من الزملاء عن الجائزة اللى واخدها، لا بيسألوهم عننا وعن الفرح وعن تدخلي في شغل هنا، والغريب ان فى بعض الزملاء خاضوا فى حياتنا الشخصية.. بجد شكرا جدا لكل الناس اللى فرحنالنا من قلبها وربنا يديمكو نعمة.. أما بجد اللي مركزين أرجوكم الحياة مش ناقصة.. إحنا في شهر العسل وبايتين أهو فى المستشفى”.
يذكر أن أحمد فهمي وهنا الزاهد احتفلا بزفافهما قبل أيام قليلة fحضور عدد كبير من النجوم، ومن ثم سافرا لقضاء شهر العسل.
شاركنا النقاش