قام الممثل إيلي متري، المشارك في مسلسل “الخائن” الذي يعرض حالياً، بنشر صورة تجمعه بزوجته “إليز”، راوياً قصته معها حيث انها عانت الكثير بسببه قائلا “أنا فرجيتها وج الشيطان”، مشيرا الى صبرها وقدرتها على التسامح بقوله انها “فرجتني وج الله”.
وكتب متري عبر “انستغرام”: “هيدي الصورة لمّا تصوَّرِت كان بعدو دماغي سليم ومعافى، ومبسوط إنّي مبسوط… ومن بعدها صرت حدا بشع، خرا، حيوان… شيطان يمكن، ما بعرف…
وصرت خَبِص وكذّب، وإرجع خبِّص وكذّب، وما بقا تشوف منّي غير الحَيونِة… وسنة بعد سنة بعد سنة وأنا صير أَخرا من قبل… فيّي فقسة تدمير ذاتي ومفقوسة… يعني بالعربي المشبرح، فَرْجَيتها وج الشيطان …”
واضاف: وإذ، بتقرِّر هيّي تسامحني… وفرجتني وج الله… وذكّرتني انو أنا لمّا رحت لعندها رحت لأنو هيّي مطرح حسّسني بالسلام… السلام يلّي أنا كنت فاتح عليه حرب…
واضاف: المهم… يا جماعة هيدي مرتي… هيدي السلام… هيدي الله يلّي عن جديد رجع شالني من الظلمة…”
شاركنا النقاش