أعلنت الاعلامية المصرية ريهام سعيد إعتزالها مجال الاعلام، وعودتها إلى التمثيل، التي كانت بدأت مسيرتها من خلاله منذ سنوات. وتحدثت عبر “انستغرام عن مشاكل كثيرة حصلت في حياتها بسبب مهنتها كمقدمة برامج، مبدية فخرها في الوقت ذاته بأنها كانت اعلامية في اصعب الظروف حلال حكم الاخوان.
ووجهت سعيد رسالتين الى النقيب اشرف زكي والمخرجة كاملة ابو ذكرى. وقالت ان الفن ايضا رسالة كالاعلام تماما، “وهو حلمي الاساسي الي اتاخرت اوي عشان احققه يا رب وفقني وساعدني”.
وكتبت سعيد في منشور على “انستغرام”: “فكرت كتير قبل ما اكتب البوست ده. انا اعتزلت التمثيل سنه ٢٠١٥ لاني حسيت ان صاحب بالين كداب وان التمثيل ماثر علي مسيره الخير الي ابتديتها من سنين طويله عشان الوقت والمجهود الي بعمله . لكن عشقي للتمثيل الي هو دراستي ومهنتي الاولى قبل الاعلام رجعت امثل تاني وانا لسه في نظر المخرجين والمنتجين مذيعه عايزه تمثل. كنت عارفه ان عشان اخد مكان كممثله لازم اسيب الاعلام زي مع حفظ الالقاب داليا البحيري وبسمه ودينًا فواد ودينا الشربيني وغيرهم بس مكنتش قادره اسيب رسالتي الي كانت مهمه اوي وقتها”.
وأضافت: “انا حصل لي مشاكل كتير من المهنه دي بتاثير باطل من السوشال ميديا من منافسين واعداء بسبب المشاهده العاليه جدا والنجاح، انا تعبت وحسه اني قدمت كل الي ممكن يتقدم والدوله عامله الي عليها ومش محتاجين دور المجتمع المدني في مساعده الناس ولكن انا ليه الشرف اني اشتغلت في المهنه العظيمه دي الي ليها رساله ساميه وعظيمه، وليه الشرف اني كنت اعلاميه في اصعب وقت مر علي الاعلاميين ايام حكم الاخوان والحمد لله كان لينا موقف واضح و ماتغيرش ولا دقيقه .. “
وتابعت: انا الحمد لله حققت في التمثيل وكل الي اشتغلته علم مع الناس واشتغلت اعمال كلها قيمه بس بعد ما جالي السكر وشويه مشاكل تانيه قررت اعمل الي بحبه، انا بكل اسف بعلن اعتزالي الاعلام تماما وهاركز كممثله وهاطلب من الدكتور أشرف زكي انه يساعدني اني اغير الفكره الموجوده في اذهان المخرجين والمنتجين اني مذيعه . ورساله للاستاذه كامله ابو ذكري ومش مكسوفه نفسي اوي امثل معاكي حتي لو مشهد ده من احلامي. خطوه صعبه وفيها ريسك كبير بس علئ الاقل اجري ورا حلمي حتي و انا في السن ده”.
وختمت “جه الوقت اني استمتع بالي بعمله وبحبه خصوصا لما يكون في عصر ولا في وسطه و لا محسوبيه الي هايجنهد هايوصل. ماتسيبوش حلمكم مهما فات الوقت. بشكر جمهوري من الامهات والشباب والاطفال الي دائما بيدعموني وحبه برامجي واتعلموا منها وبشكر ر بنا علي عشرين سنه اداني الفرصه فيهم اني اقضي حوائج الناس، واقدم كل ما هو مفيد. فخوره بكل حلقه وبكل حرف قدمته ٢٠ سنه تعب وسهر وتصميم علي تقديم الحقيقه . انا اسفه ليكوا بس التمثيل رساله برضوا وهو حلمي الاساسي الي اتاخرت اوي عشان احققه يا رب وفقني وساعدني”.
شاركنا النقاش