هذا ما قالته دينا الشربيني عن علاقتها بعمرو دياب

القاهرة: دعاء حسن| 

تحدثت الفنانة دينا الشربيني في برنامج “معكم منى الشاذلي”، الذي تقدمه الإعلامية منى الشاذلي على قناة  cbc، عن علاقتها بالسوشيال ميديا، واصفة اياها بعلاقة غير جيدة، باستثناء تطبيق “تيك توك”، قائلة: “علاقتي بالسوشيال ميديا نيلة.. بحس إني مش شاطرة فيها وممكن اعك الدنيا، وكمان الناس فيها متدخلين في حياة بعض أوي .. لكن بحب التيك توك”.

وبسؤالها عن ما تعلمته من تجاربها السابقة، أوضحت أنها تعلمت ألا تحكم على حياة الأشخاص من الخارج، قائلة: “اتعلمت إن ممكن ابقي شايفة حد من برا إن حياته بشكل معين، لكنها في الحقيقة بشكل تاني.. لذلك لا تحكم ولا تتكلم في الموضوع أصلاً، لأن عمرك ما هتعرف ايه اللي بيحصل”.

وأضافت: “اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. وما فيش حاجة ربنا عملهالك من غير سبب.. هو عملها عشان تتعلمي منها حاجة”.

من جانبها، قاطعتها منى الشاذلي لتسألها بطريقة غير مباشرة عن علاقتها بالفنان عمرو دياب قائلة: “يعني اتعلمتي إن ماينزلكيش صورة مكتوب عليها فريق العمل؟”، وذلك بعد الجدل الذي أثير في بداية علاقة دينا الشربيني بعمرو دياب، حيث نشر  صورته معها ووصفه بفريق العمل، وهو الأمر الذي أثير جدلا واسعا وقتها.

عندها اجابت دينا الشربيني ضاحكة: “ده أكيد.. والله ما هتشوفوني فريق عمل في حياتي.. هيبقي في عمل بس”.

وتابعت: ” كان يقال لفترة “فريق العمل راح وجه”، ولكن انا لست من النوع الذي يتابع السوشيال ميديا لأقرأ كل هذا الكلام، وانما اتعلمت إن بعد كده مش هيبقى في فريق عمل، هيبقى في عمل بس”.

وسألتها الشاذلي عن أغنية “برج الحوت” بقولها: “بعد انكار طويل هل ممكن تعترفى الآن أن أغنية “برج الحوت” كانت لـ دينا ولا لأ؟ ورفضت دينا الرد، وقامت بغناء الأغنية.

في جانب آخر، نفت الشربيني خضوعها لعمليات تجميل، موضحة أنها لا تمانع إجراءها، في حال احتاجت إليها في مراحل عمرية متقدمة، وقالت: “عملت بس الحاجات العادية زي الفيلر والبوتوكس، لأني بترعب من العمليات”.

تابعت: “كان حد نصحني أعملهم قبل التلاتينات، وجيت بعدها ماكنتش عارفة أكشر وأنا بصور بعدها، فقررت بعدها إنه لأ، وكنت عملت شفايفي ومبتروحش لحد دلوقت، بس أكيد هيجيلي سن أحتاج الحاجات دي”.

وعن خلافها مع المخرجة كاملة أبو ذكري في مسلسل “زي الشمس”، أوضحت أن الأمر كان مجرد سوء تفاهم فقط، واضافت: “ولما اتقابلنا في الجونة اتكلمنا ووضحنا الأمور، أنا أصلا بموت فيها، دي أستاذتي، وكنت بتمنى أشتغل معاها وبموت في كل أعمالها، أنا كنت أكتر حد متضايق من اللي حصل، لأن كل حد كان جاي المسلسل عشان أستاذة كاملة مش عشاني”.