اثارت بعض التعليقات غضب الممثلة نادين نسيب نجيم على صورة لها نشرتها مع ولديها في المستشفى، خصوصا وان الصورة تظهر آثار الجراحة على وجهها، بعد اصابتها بشظايا الزجاج جراء انفجار بيروت. وهي تعليقات في غير محلها بطبيعة الحال، ولا تراعي الحالة الصحية والنفسية لأي مصاب.
الاول هو تعليق ساخر للصحافي ايلي باسيل الذي قال: “الحمد لله على سلامتك نادين .. انكتبلك عمر ووج جديد”. وردت نادين عليه بالقول: “لا بدي يقللي سلامتك ولا رح قللو عقبالك بوج جديد، رح اكتفي وقول انه انفي كان مطحون عن اليمين على قوة الضربة، بشكر ربي لطف فيي.. اليمين عندي كلها مقطبة الحمد لله 150 قطبة معليش في ناس بتعيش على وجع الناس، وبتتهضمن على وجع الناس.. الدني دوارة”.
اما التعليقات الاخرى فتتهم نجيم باستغلال اصابتها من أجل اجراء المزيد من عمليات التجميل في وجهها. وقالت احداهن: “عاملة تجميل لأنفك وعمل تستغلي الانفجار. ما بدها كل هالقد، نحن نعرف البير وغطاه.”
وقال ناشط آخر: “الإزرقاق حول عينها متساوي على الميلتين، هى بتقول أنّو منخاره انجرح على ميلة اليمين، ليش في تجمّع دم مكثّف على اليسار؟”
وأضاف : “واضحة أنّها عملية تجميل وهي تستغل هالمأساة لتبرير التجميل! لأن لمّا عرّضت حناكها آخر تجميل بهدلوها كتير العالم، هلّق حبّت توفّر عحالها البهدلة بالكذب والدجل”.
عندها غضبت نجيم بشدة قائلة :”سكر تمك احسن ما فرجيك كيف بخللي كل وجك مطحون! بدعس بنص قلبك ولك العما بقلبكم العما، ما عندكم رحمة ولا عندكم إنسانية، ليش انا يا حيوان يا زبالة بحاجة تجميل؟! تفو امثالك لازم يكونوا تحت التراب بدل هل الشهداء! تفو يا واطي”.
شاركنا النقاش