أعرب الملحن والموزع إسلام رفعت عن صدمته باتهامه من قبل المنتج والموزع محمد شفيق باقتباس مذهب أغنية “كذابة” التي قدمها الفنان حسام حبيب مؤخراً، من أغنية قدمها مؤخرا مطرب صاعد يدعى محمود عز، من إنتاج شفيق.
إتهام حسام حبيب بسرقة “كدابة”: “استمعوا للأغنيتين واحكموا بأنفسكم”
ونشر إسلام رفعت فيديوهات ووثائق عبر “فيسبوك” يثبت بها أنه هو صاحب اللحن الأصلي لأغنية “كدابة” لحسام حبيب، مؤكدا أنه تم سرقة موسيقاه، واصفا ما حصل بـ”قلة الادب والتطاول”. واوضح انه يعرف شخصياً المطرب الصاعد وقال: “اشتغلت معاه بالفعل وهو مغني، وأنا ملحن وموزع، يعني واضح مين اللي بيسمع من التاني”. وأضاف: أنه “يحاول ينطّ وعايز يتشهر”.
وأعلن أنه سيتخذ الإجراءات القانونية اللازمة في هذا المجال، وقال:
“مستحيل مستحيل مستحيل أنا اللي بقول إنه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه إنه ينط علي بروباجندا حسام حبيب، ويحاول نجيب سيرته ويمكن تصيب معاه .. بس أنا هخليها تصيب معاه إنه يتشهر بأنه غير أمين ومعندوش ضمير نهائي”.
وأضاف: كل الناس عارفيني كويس وعارفين شخصيتي إني عمري ما أعمل حاجه “بالخسة دي” او بالسذاجة دي!! إني آخد حاجه إبداعية في أكتر حاجه بحبها وهي الموسيقي من حد أو أقتبس جملة من هنا أو من هنا والحمد لله أعمالي كلها بتتكلم عني، الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا وأنا لحنت الكلام وعملت شكل ليها وبعتناها لأكتر من مطرب من ضمنهم حسام وبالفعل كانت من نصيبه، والأغنية جاهزة من فترة كبيرة جدا ولكن حسام اللي كان بيأخر.. و مرفق في البوست فيديو أنا مصورة بأيدي من الكمبيوتر بتاعي متوثق فية تاريخ الأغنية وصوتي في الديمو.
وتابع: “الموزع شفيق كاتب إن أغنيتهم نازلة يوم ١٨/١، وحسام حبيب منزّل خبر أغنية “كدابة” من يوم ٨/١ تقريبا هو ازاي يعني، وأي حد يقدر يعمل سيرش على جوجل، ويتأكد من صحة كلامي”.
واختتم اسلام رفعت: “معايا كل ما يثبت إن اللحن بتاعي من مستندات، وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسئ، وحاول ينطّ وعايز يتشهر”.
لقراءة المنشور ومشاهدة الفيديوهات، افتح الرابط:
https://www.facebook.com/islam.refaat.10/posts/7213430292071579?ref=embed_post
نرشح لك:
إتهام حسام حبيب بسرقة “كدابة”: “استمعوا للأغنيتين واحكموا بأنفسكم”
شاركنا النقاش