شن الممثل والمخرج سيف السبيعي يوم أمس السبت اعنف هجوم على الرئيس السوري السابق بشار الأسد، بعد أيام من سقوط نظامه ورحيله خارج البلاد، ووصفه بالوضيع والحقير والنذل.
وقال سيف في فيديو شاركه عبر “إنستغرام “: “هذه الرسالة ليست موجهة للشعب السوري، رغم إني بدّي بارك لكل الشعب السوري بخلاصنا من هالطاغية وهالعائلة وهالحزب يلي دمرو سوريا وناسها. هذه الرسالة لبشار الأسد شخصياً، وأنا بعرف إنو هو بيتابع فيسبوك وإنترنت وإلا ما توصله الرسالة”.
وتوجه سيف الى الاسد بقوله: “عبر كل قراءاتي لكل الناس يلي خانوا بلدهم، أنا ما شفت ولا قريت ولا سمعت عن أوسخ من هيك”. وتابع: “الأفضل إنك تنتحر هالفترة، إذا كنت شجاع وبشكّ إنك تقدر تنتحر، لأنك أجبن من إنك تقدر ترتكب هيك فعل، لأنو الإنتحار بدو شجاعة”.
واضاف : “لا التاريخ رح يسامحك، ولا الناس رح تسامحك، ولا حدا بالعالم رح يسامحك، وبتمنى من اولادك اذا عم يشوفوا هذا الفيديو إنو يكون عندهم الشجاعة والجرأة إنو يتبرّوا منك”.
أضاف : “إنت شخص لا مكان لك في هذا العالم، اذا عيلتك خليت فيها، الله لا يوفقك، لازم تندعس، ما لازم تموت، إنت عقابك سيكون في هذه الحياة، سيكون من دعوات الأمهات لي حرمتها من أولادها، من دعاوي الزوجات لي روحتلها أزواجها، من دعاوي طائفتك يلي مسحت فيها الأرض”.
وقال: الله لا يوفقك، الله يشرشحك، يجب ان تتحول الى تمثال لتبصق عليك الناس. لأنك أوسخ رجل بالعالم.
وتوقع ان الرئيس بوتين سيقوم بنفسه بتسليمه الى العدالة، كما توعّد بملاحقة الأسد حتى يجده ويدع العالم تعرف مكانه لتأخذ بثأرها منه.
وتناول سيف في رسالته موضوع أخيه الراحل عامر سبيعي، الذي كان من معارضي الأسد واصفاً إياه بالبطل وقال: “أنا بعرف أديش رح يكون مبسوط بقبره، لما يعرف أنك هربت”.
وتطرق الى طبيعة الخلاف بينه وبين اخيه الراحل عامر بعد قوله في مقابلة تلفزيونية انهما يقاطعان بعضهعما لأن الراحل عامر المعارض يعتبر ان اخيه سيف هو من عبيد النظام، وأوضح سيف قائلا:
“إذا إنتوا صدّقتوا إنو أنا اختلفت معو بتكونو ما فهمتوا أنا شو حكيت باللقاء، أنا قلت إنو هو لي قرّر يعمل هيك وأنا ما كان عندي حلّ تاني، لأنو أبي كان بالبلد، أبي هالختبار يلي شوّهتو صورتو، الله لا يوفقك أنت وأبوك”.
شاركنا النقاش