سامر معوض|
شنت المخرجة ريما الرحباني ابنة الفنانة فيروز هجوما ناريا على الفنانة مايا دياب، وعلى محطة mtv “التي تريد أن تستنسخ كل شيء من LBCI والغرب”، ورئيس مجلس ادارتها ميشال المر قائلة له: “لو بترجع للجذور وبترعى بقَر يمكن أحسن”، وذلك على خلفية عدم احترام حقوق الملكية الفكرية في حفل مايا دياب الخيري الاخير، الذي غنت فيه بعض من أغاني السيّدة فيروز ، ووصفت الحفل بـ”المجزرة، والعهر الفني، واالارهاب الفني”. .
وتوجهت لدياب بالقول: “روحي يا عيني إ ارجعي لمطرحك إنت! بزيادة عليكي ميشو وبرنامج الدولاب اللي بيبرُم”. واضافت: يا شيخة اعتمديلك شكل تنعرفك فيه .. والله ما عرفتك! ساعة بتنفخّي ساعة بتنفسّي ايش ده!
ثم غمزت من قناة خلاف ميشال المر ووالده غبريال المر حول ملكية المحطة بالقول: “اللي بيهين بيو وبيشحطو وبيبهدلو وبيرفع دعوى عليه بكل وقاحة ورياحة ضمير ، ما رح يخاف ربّو ويرتدع عن إهانة الفن وحقوق الآخرين”!
واستهلت ريما الرحباني كلامها في منشور عبر صفحتها على “فايسبوك” بالاشارة الى الخلاف بين ميشال المر واخوته حول ملكية محطة mtv بالقول:
“لازم ضروري يرجع في عدل وعدالة بهالبلد وتبلّش أوّل شي مهاما بإنّها ترد الحق لصحابو .. وأوّل مين لازم يرجعلو حقّو هوّي جهاد المر ، لأن ميشو سقط ، سقط وكتّر! والتلفزيون بإيد الولد بيجرح! إءْ! هاي نتيجة ولد بيُورَت تلفزيون مع فضائيّة وبيِعزُل البقيّة وبيحطّن بالإقامة الجَبريّة” .
واضافت: لحدا يقنعني إنّو ميشو مش عامل إنجاز عالمي بجمع ذات المواصفات عند هالعدد من الموظفين اللي كلّن بينقطوا سَم بذات الكميّة .. مُستحيل! كأن من ضمن شروط السي ڤي للإنضمام لهالمحطة تنقيط السم!
وقالت عن الحفل الخيري الاخير: “هالنشاط الجديد بإنك تِرعى حفلات خيريّة من حساب غيرك .. ما حلوة منّك! لو بترجع للجذور وبترعى بقَر يمكن أحسن “.
واشارت الى ازدواجية تمارسها محطة المر بشأن الحقوق بقولها: هالمحطة اللي آنيها واللي ما بتخلّي مناسبة ولا برنامج ولا مذيع ولا ضيف إلا ما يلطشني ع قصّة مطالبتي بالحقوق! وينكّت ويتكَركَر ويقرّق ويضحك ويشَهنِق لحالو متل المعتوه!
هيّي بذاتا بس صار بدّا تقلّد وتنسخ عن ال إل بي سي متل العادي، لأنو شغلتها الوحيدة تنسخ يا من إل بي سي يا من الغَرب! وبس صاروا برامجا ع ويب سايت وبدّك تدفع لتشوفن، ما خلّت فنان أو ضيف أو مذيع.. ما طلّعتو يعملنا وعظة عن الحقوق والأخلاق! وإنو اوعى حدا يستعمل شي لغيرو عَيب ما بتنعمل! اشتركو وشوفوا وساهموا بنشر إحترام الحقوق! هيهيء! يا قوم انتو وبرامجكن اللي بلا ما نتطرّق الها هلّق بدّو واحد يدفع ليشوفكُن؟ بس ريما اوعى تدافع عن الحقوق ولا حتّى المعنوية!
واتقلت الى الحديث عن اولاد عمها من ورثة الاخوين الرحباني متسائلة: الورثة فين من اللي بيحصل ده؟؟ وين اللي كان بدّن يتصدّوا لكل من تُسوّل له نفسه المَس بأغاني الأخوين!!! هآآآ؟؟؟ وينن العباقرة الجُدُد اللي فحّشوا ع الإرث وإستعمال الإرث؟؟؟ والدفع والأذونات…… والأخوين والأخوين..
وينكن؟!! آآآه ما بدكن تخسروا محطة البخ المباشر اللي آنيِتْكُن إ وينك يا ساسيم من كل البهدلة اللي عم بتصير؟ وليه ساكتة؟؟؟”
ثم استنكرت الرحباني الحفل الذي اقامته مايا دياب بالقول: من هاروت لعبير لمايا لغايا لآيا حفلة رايحة حفلة غايا.. يا مين يزايد .. ايش ده!! كل كبت الفنانين من كورونا والزربة بلا شغل فلتت علينا إلنا بفرد ضرب .. وعلى أغاني فيروز! ..يا ربّي تنغّينا! وآخرن أوّل مبارح يبدو!
واضافت: في قهوه ع المرفأ، وساعة كبيرة بالارض..ساعة الآخرة كأنها.. وداير هالاسود والابيض ..ع إش دي ..ع أساس انو هيك بيصيروا حضاريين؟ وإذْ .. جايي مع الشعب المسكين! أفندُم؟ أفندُم!!!!! إنتو يللي بتِنْشَروا بقرشين جايين مع الشعب المسكين؟؟؟؟
وانتقدت شكل مايا دياب بالقول: لوما قالولي إسما كذا ما عرفتا.. يا شيخة اعتمديلك شكل تنعرفك فيه .. والله ما عرفتك! ..ساعة بتنفخّي ساعة بتنفسّي ايش ده! ..على إش دي ..على أسود وأبيض! رعب العادي! ..يعني بصراحة صُعقت! وما عارفة منين بلّش من الحكي والا من الغِنِي.
واضافت: يعني بالإذن من جوليا والياس بو صعب، انت عم تغنّي يا ثوار الأرض؟ إنتِ مين تتغني للثوار وللجنوب؟ وتغيّري بالكلام؟ يَختيه!!! اللي بدّو يثور بدّو يكون عندو شي مُقنع بشخصيتو تيثور! وإلا ينضب أحسنلو!
وتابعت: روحي يا عيني إ ارجعي لمطرحك إنت! ..بزيادة عليكي ميشو وبرنامج الدولاب اللي بيبرُم!
وقالت : بدّك انت تكوني مقدّمة شغلك وحالك! مش مقدّمة شغل غيرك يا متسلّقة على أمجاد الآخرين . واردفت: ما تتكارمي انت وميشو من كيس غيركُن! وتشحدوا ع ضحايا المرفأ!
ووجهت لوما الى الملحن والموزع هادي شرارة بالقول: عيب يا هادي عيب يا زلمي حضرتك الميوزك بروديوسر!!؟ وبإرادتك فاتك هالفتكة بهالشغل؟ ناي لبيروت مش رح يشفعلك! بصراحة انت الصدمة الوحيدة بالنسبة إلي بعجيبة مبارح! على بنا راسك كبير وبتشتغل شغلك وما بتقرّب صوب حدا! شو اللي عمالك قلبك تتعمل هيك عملة؟ خليك بكلام الناس بزيادة كان وبيكفّي الله يرحم بيّك.
وختمت ريما الرحباني بالقول: “بطمّنكن ما رح تقطع ع خير ابداً .. هيدا الإرهاب الفنّي صار بدّو مكافحة اكبر من مكافحة الفساد .. وصار بدو عقوبات كمان.. وِجَع!
شاركنا النقاش