هاجمت إحدى المدونات على تطبيق “تويتر” الفنانة سيرين عبد النور، ووجهت لها كلاما نابيا، وإتهمتها بأن أسلوبها أصبح فاضحاً .وهو ما استتبع ردا من عبد النور، واكثر من تعليق من الفنانة نجيم.
وتوجهت المدونة – وهي من جمهور الممثلة نادين نسيب نجيم- الى سيرين عبد النور بالقول: “بتعرفي أنو أسلوبك صار مفضوح، وأي حدا بيسب نادين بحسابو بتصيري تحبيه وتدعميه وتعمليلو كوت تويت. الكل شايفك، صرتي تحبي عمر عشان بيسب نادين بحسابه، نادين عقدتك النفسية يا منافقة، عنجد بتخجلي وبتقرفي، وإنسانة مريضة بشي اسمه نادين نجيم الله يشفيكي. الله يعين نادين شو بدها تتحمل لتتحمل”.
وردت سيرين عبد النور بالقول: “الله يعين نادين على وحدة متلك قليلة أدب ومخيلتها واسعة انتو ناس بدكن ترباية ما حداً غيركن بشوه صورة نادين بين زملائها ما تركين حداً من شركن ومحبتي مجانية مش عن مصلحة بعد ناقص تحللو محبتي كمان روحو عيشو حياتكن حاج بقى ناطريني على كل تويت وكل مقبلة لتحللوها ضد نادين” .
وبعد هذا الهجوم على سيرين، علّقت نادين نسيب نجيم عبر “تويتر” قائلةً: “حبيباتي واعزائي الفانز شفت كل مسباتكم ومسخرتكم تجاهي تحت بوست زميلتي باميلا وكل مين نشر يلي حكيتوا، وشفت كمان قديش فرحتوا شفتيني زعلت شي؟ حكيت شي؟ حتى ما زعجت سيرين بالموضوع، ولا اتهمت حدا والله يقويكم. بس مش معناتها مني شايفة تعليقاتكم تجاهي السلبية عيب”!
واضافت: “بحب فيكم بتعملولي منشن وبتدخلوا بتعلقوا تحت أيًا شي وأيا حدا حاكي شي عني مش حلو وبسكت وبطنش، بس عيب تجي تقوليلي فانزاتي عم يحكوا ما انتوا ما عم ترحموا اسم الله عليكم روقوا مش كرمالي كرمال سيرين وكرمال هل الزمالة الحلوة ضل بيناتنا” .
وتابعت في ردّها على المتابعين: “ردوا ما حدا قال لا، بس ليش تلطشوني على قصة الحية وتمسخرتوا وفرحتوا بكلام باميلا هيدا شو بتسموا؟ بكون انا والفانز حكينا؟ ما انتوا عم تحكوا وأنا عم بسكت وهني بردوا وانتوا بترجعوا بتردوا ايمتى بدنا نخلص؟ روقوا مش محرزة”.
شاركنا النقاش