بعد هجوم شقيقها.. ياسمين عبد العزيز وأحمد العوضي يعلنان حبهما

القاهرة: دعاء حسن|

قررت الفنانة المصرية ان تعلن عن حبها للفنان أحمد العوضي عبر “السوشيل ميديا”، وذلك بعد ساعات قليلة من هجوم شقيقها عليه نتيجة هذه العلاقة.

وقام أحمد العوضي في البداية بنشر صورة له مع ياسمين عبد العزيز وعلق: “بحبك يا ياسمين”، لتنشر ياسمين نفس الصورة عبر حسابها عبر “إنستغرام” وترد : “بحبك يا أحمد”.

وتم تداول هذه الصورة بشكل كبير عبر مواقع التواصل الاجتماعي، كما طالبهم عدد من الناشطين بالاسراع باعلان الزواج.

ويأتي ذلك ردا على الهجوم الذي شنه وائل عبد العزيز، شقيق الفنانة ياسمين عبد العزيز بسبب علاقتها بالفنان أحمد العوضى، حيث انتشرت صورهما معا عبر مواقع التواصل الاجتماعي، كما كانا يتبادلان التعليقات التي تؤكد وجود قصة حب بينهما، الأمر الذي اغضب شقيقها.

وقال وائل، عبر حسابه على “فايسبوك”: “بصي يا ياسمين يا عبد العزيز يا أختي، أنا معاكي وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر ويرادة وأنتي عارفة إن أنا أتاذيت فيها إزاي، وقضية الشغالات مؤخرا، غير قضية الضرب اللى كانت بينك وبين بنت هشام سليم الممثلة اللى لبستيها التورتة في وشها”.

وأضاف: “وقفت جمبك بكل ما أملك من قوة أدافع عنك فى كل موقف صعب مر عليكي، ونسيت حياتى ونفسى عشانك وبقيتي كل همى أنا ووالدتك، إنك تكبري وتبقي نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحي تعرفى واحد أصغر منك بـ10 سنين لا من سنك وتتصوري صور مالهاش أي لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟”

وتابع وائل: “ومع ذلك حياتك وأنتي حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملي اللي على مزاجك، إحنا دلواقتى عايزين نفهم العلاقة دي إيه ورايحة على فين”.

وتوجه الى العوضي بالقول: “أما بالنسبة للأخ اللى ماشي وراكي فى كل حتة، وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتاً، فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!! أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا، لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده، وأنا مبخفش من تهديد حد”.