وصفت المخرجة ريما الرحباني ابنة الفنانة الكبيرة فيروز، حفل “ليلة أمل” الذي نظمه الملحن اللبناني أسامة الرحباني الاحد الماضي، بـ”حفل كله نشاز”، وهو الذي شاركت فيه الفنانة هبة طوجي، والموسيقار ابراهيم معلوف. كما كان للفنانة اليسا مشاركة غنائية فيه، حيث قدمت خلاله أغنية “حنا السكران” للسيدة فيروز، لكن اليسا فاجأت الجمهور بتحريف كلام الأغنية من “يبقى حنا السكران قاعد خلف الدكان يغني وتحزن بنت الجيران”، لتصبح “يبقى حنا السكران قاعد خلف الدكان، عم يزبط بنت الجيران”.
هذا الامر اثار غضب ريما الرحباني، التي انتقدت الحفل على صفحتها على “فيسبوك” معتبرة ان ما حصل فيه ما هو الا إهانة للأخوين الرحباني،. وانتقدت اليسا، لكنها شنت هجوما لاذعاً على إبن عمها الموسيقي أسامة الرحباني. وجاء في تعليقها:
“الحق مش ع إليسا! واليسا باللي صار ضحيّة مش مجرمة، المجرم الأوّل والأخير هوّي الطبل اللي داير إليسا والتوابع، ومعتقد حاله، بيحق له يتصرّف ويأذن للفنانين يغنوا أغاني فيروز، ومعتقد يحق لّه يشوّه يبهدل هالإرث براحتو بدون حسيب ولا رقيب، وهالشي كله فقط لأن عبقري متل زياد أعاد بعض الأغاني! فإعتقد الطبل إنه هو كمان عبقري ووريث، ويريد يعيد نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين!”
وأضافت: عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟ ومصدّق حاله ونازل فيهن بهدلة إنه هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً، كيف بيوقف الشخص كيف بيحرك إيده كيف بتحرك الراس وين بيلتفت أمتى بيلتفت، كل شاردة وواردة بدّو يكون راضي عنّا، وما بيعجبو العجب! والله العظيم تحط نفسك في مواقف بايخااااااااااا”
” وتابعت: هاي ما كانت تحيّة هاي كانت إهانة لأعمال عاصي ومنصور وإلياس وبس بزيادة هلّق! أخيراً أخيراً أخيراً، في عاصي الرحباني واحد ما في غيرو ولبعد ألف سنة ما بيجي غيرو! عرفت كيف؟ شد طلوع شد طلوع اوعى ما تزمّر ع الكوع”.
غير أن الفنانة اليسا سارعت الى الرد على طريقتها على ريما الرحباني من دون ان تسميها، حيث غردت عبر موقع “تويتر” قائلة: “موتوا بغيظكم! والشاطر يفهم”.
شاركنا النقاش