سيدة مصرية تستغيث من هنا الزاهد وعائلتها: هذا ما فعلوه بي
انتشر خلال الساعات الماضية على مواقع التواصل الاجتماعي فيديو ظهرت فيه سيدة مصرية تُدعى عزة الفقي، وهي تستغيث من الفنانة هنا الزاهد ووالدتها شيرين المنزلاوي، وتتهمهما بأنهما سكنا في “الكومباوند” الخاص بها من دون دفع كامل الإيجار، مشيرةً إلى أن الفنان طلعت زكريا هو الذي توسّط لهما في ذلك.
وقالت: “خطوبة هنا الزاهد اتعملت في بيتي وجنينتي من غير ما يدفعوا إيجار، وبعد انتهاء مدة العقد، حكمت المحكمة بطردهم، وهما خرجتا من البيت بصعوبة، ودخلنا البيت لقينا فيه تلفيات وخدوا الأحواض..وكنا مخليين على جنب مخزون سيراميك اتاخد”.
وبدأت السيدة كلامها في الفيديو بالقول : ان شيرين المنزلاوي، والدة الفنانة هنا الزاهد، كانت طلبت منها ايجار المنزل لخمس سنوات، الا انها رفضت تأجير منزلها، لأن زوجها قد يعود الى مصر ويحتاج البيت في اي وقت. واشارت الى ان الممثل طلعت زكريا عاد وتوسط لهما، وقال “وقت ما ترجعوا البيت هيكون في الحفظ والصون، ونحن كأسرة اقتنعنا بكلامه، وقلنا له نؤجرهم البيت 3 سنين فقط”.
واشارت الفقي الى انهم بدأوا بدفع الايجار، واحيانا كانوا يتأخرون في دفعه، وعندما طلبنا منهم ان يعيدوا لنا البيت اثر عودتنا الى مصر، رفضوا… و”شيرين ردّت عليا، وقالت ألفاظ بشعة، وقالت إحنا مش خارجين وأعلى ما في خيلكم اركبوه”.
“إزاي ورا الكاميرا ناس تانية كده”
وتابعت: “اضطرينا نرفع قضية باسترداد البيت، والمحكمة الحمد لله وافقت إنهم يخرجوا برا البيت، ويدفعولنا لحد نهاية عقد الإيجار ، وفي الفترة اللي خدنا فيها الحكم كان عقد الإيجار خلص. وهما خرجتا من البيت بصعوبة، ودخلنا البيت لقينا فيه تلفيات وخدوا الأحواض..وكنا مخليين على جنب مخزون سيراميك اتاخد”.
واردفت: ورفعنا قضية تانية بالتلفيات، وبسنتين الإيجار بعد ما عقدهم خلص، وهما كانوا بيرفعوا قضايا ضدنا، ولكن القضاء نصفنا وحكم لصالحنا، ولكن مش عارفين ليهم عنوان… أخ شيرين المنزلاوي كلّمنا يساومنا إننا نعطيهم فلوس لقاء الخروج من البيت، والقضايا شغّالة .
واختتمت الفقي: “انا مستغربة لما شفت هنا الزاهد في لقاء تلفزيوني، شكّيت في نفسي وقولت بيروحوا يناموا على المخدة إزاي وعندهم كام وش، وإحنا مصمّمين على حقنا، وفيه محضر بيلزمها بإصلاح التلفيات، ومش عارفة هما إزاي ورا الكاميرا ناس تانية كده”.
لمشاهدة فيديو السيدة عزة الفقي:
https://www.facebook.com/100063706761615/videos/980264953842902/?ref=embed_video&t=30